BENVID@S A ESTE NOVO CURSO (2020-2021)

 Ola de novo. 

Comezamos este "especial" novo curso na biblioteca de Buli. Aínda que para a hora de ler xa se comezou a prestar exemplares, agora queda que os nosos alumnos-as poidan tamén levar os libros en préstamo. 

Está xa elaborado un cadrante no que cada curso ten asignado un día para baixar á biblioteca. As visitas non poderán ser tan frecuentes coma en anos anteriores, polo que estivemos dándolle voltas á cachola e, finalmente, atopamos un xeito moi doado de poder solicitar libros da biblioteca de Buli dende a vosa propia casa.

Non tendes máis que facer clic na imaxe dunha meiga que podedes ver á dereita do blog e, desa forma, entrades no catálogo online da biblioteca do CEIP Castrillón de Coiro. Á esquerda, facedes clic onde pon "busca avanzada", onde pon sección selecionades "infantil" e hala a buscar un libriño. Pódese buscar por título, autor, ...

Cando vexades a información do libro ou libros, hai un apartado chamado "localización" que vos dirá a que tipo de lector vai dirixido o libro segundo o seguinte criterio:

I1.. Educación Infantil     I3.. 2ºCiclo (3º e 4º)

I2.. 1ºCiclo (1º e 2º)      I4.. 3ºCiclo (5º e 6º)

Se remata en G o libro será en Galego e se remata en C é porque está en Castelán.

IMPORTANTÍÍÍÍÍÍÍÍSIMO. Tamén hai libros para adultos que se poden prestar co número d@ vos@ fill@; pero sería mellor que solicitárades o voso propio carné. Preguntade no noso email: moradabuli@gmail.com